::: آخـر كلامي لك يابحـر .. ودي توصـله لانســان
يـابحــر خلني اجلس على
شواطيـك المملوءه قهـر
خلني اواسيك بجيتي لكن مواساتي تكون باحزاني
جروحي يـابحر عييت تداوي.. وجيتك كلي امل تشفيها
ادري يابحــر ماملاك غيـر دمـووع البشر
وهاذي عيوني تذرف من دمعها تايهه وماغيرك يحتويها
الله عليك يـابحـر غريب طبعك
تاخذ هموم الغير ومحد"ن" لك خذاها
ادري يابحـر بداخلك طفلـ"ن" يدوور الامان
يبي يلقى فرح بحضن دافي و يملاه الحنان
لكـن هذا انت وهاذي طبايع الدنيـا والايـام
القسى محتويها وكلن يدور راحته بقرب اغلى انسان
ادري تنتظر جية من شكالك دووم
وفجـأه
تصير منه محروم
حالك مثل حالي يابحـر
تعلق آمـالك بلهفة الغير بعز المِحَن...
وماتنصدم الا برحيلهم وقت راحة الصدر...
ياكم وكم ضميت شواطيك المظلمه بأحزانك يابحر
ومارجعلك سوى صوتـ"ن" يقوول صبرك يـابحـر
يحسبوون السكوت مثل الاول علامة راحـه اوفرح
مادروا ان السكوت يزيد الجروح وحالته دايمه دهر
ياكم اشقاني الجـفـا وهجـِـرخلاني
ولو فـرق حالك عن حالي ترانا نتلاقى بصفات الكتمان والصبر
أبسألك الا يـابحـر
وابيك تردلي سؤالي بأمواجك الهايجه
بس قبل لاأسأل اركد يابحر اركِد ترى ماشي بزماننا يسوى
وسؤالي بحيره يقول ...
" الى متى بتصبر.....يابحر ؟؟"!! كتمت همومك كل هالدهر
،،،،،،،،،،،،،،،،،،،،
تجاوبني بصدى موجك يابحــر !!!!
وترد علي بـ انكسااار الوانك الظاميه
..
معقوله يابحر ..معقوله عشت بظلم هالسنين
وصبرت على صدى حزنك واكتفيت بـ الونين
؟؟؟؟؟؟؟
تمر الساعات بقربك...
وهذاني جالس بقربك اهوون عليك غربة الخلان
وكل همي بهذا الوقت ارجعلك البسمه
وصدى موجتك اللي يمرنـا بأعذب الالحان
...................
هذا طفـل بجنبي يلعب بساحل ترابك يابحر
وهااذي خطواته تقربك .. .. .. ..
داعبه يابحـر عله يخفف من مدى حزني وحزنك
آلا ياليت همي من همه وياليتني طفل مثله ..
ادري يابحر بكل موجه تتمنى مناي
قبل لايقربك هذا الطفل تدري يابحر
بسرعـة كلامــه مـرني بالعجــل وهو يقـول
اشتكى مرورتك على فمه المبسووم ليه البحـر مياهه مالحه؟
وربي لولا انه طفل وعايش بفرحته دووم
لكنت جاوبته..
"ملوحة هذا البحر من كثرة دمووع البشر اللي احتضنها ا"
لكنـه ماسمعني وشوفة عيونك يابحر
ولاكنه تضايق وجاء لـ عندك ومياهك يلاعبها
الله يامكبر سواتك يابحر
ماترفض من يعيبك ولوهو ناقد"ن" جاك
وبكل بساطه تكرمه وتبهر نـاظري بـ عطاك
................
وآخـركلامي لك يابحر ودي توصله لانسان
بموجاتك بنسمااتك بأي شئ كان
ابي لازارك فـلان بن فـلان
اللي معروف بطيبة قلبه والحناااااان
تقوله مرنِي من كان لك بيووم اقرب الخلان ..
وتهديه من بسمة امواجك الحانيه
وتدفيه ان كان بردان
وتهمس له بأني بـاقي على عهـده
ووصله وقربه وراضي عليه مهما خذاه النسيان
واذا فكر بيوم يرويني بشووقه اللي صرت له بالحيــل عطشااان
بلغه يابحــر تراني بانتظاره وبالحيـل ضمـيااان
تحياتي ..,,
العرض العادي
