بمناسبة..عيد الأم....قصيده....إلى ...أمي.....شعر شعبي عراقي

---

flkhsfm>>ud] hgHl>>>>rwd]i>>>>Ygn >>>Hld>>>>>auv aufd uvhrd Hldauv hgHlrwd]iYgn flkhsfmud] aufd uvhrd

__________________
[SIGPIC][/SIGPIC]

خوش شعر جميل

طحتلي بناس عگبك ..فطراني
نهر يابس وهجرك ..فطراني
صوتك وانة صايم ..فطراني
من اشوفن صورتك شيصير بية

طحتلي بناس عگبك ..فطراني
نهر يابس وهجرك ..فطراني
صوتك وانة صايم ..فطراني
من اشوفن صورتك شيصير بية


يظن البيه لكن مات ظنه
اشعمل بيه انا افراگه ماتظنه
اخوي الناس گالت مات اظنه
شچذب الناس ودفنته بديه



ريضيت بزينه وشينه وسلبه
دوم انشد بحاله وسلبه
كون الوضع يدهور واسلبه
اخذ منه بوسة وهاي هيه



حجي الصدك مالك ماتنصه
وخل قلبي ابغيابك مات نصه
لجن عالي يراسي ماتنصه
وراسك والارض صارن سوبه



اكوم إجلالا لحسنك واقف لك
واسجل كلبي ياخلي وقف لك
واحطك بي واقفلنه واقفلك
واطب بصدري واقفلكم عليه



دليلي بسيف هجرك وذريته
وحك حيدر علينا وذريته
جمعة رماد حبنا وذريته
بدربك يلكطعت الوصل بيه



بجهنم ارد اذب روحي وصلها
بسبب محد من احبابي وصلها
الخوه ضاع معناها واصلها
واصبح كل خوي ناكر خويه




اجروحي تفت روحي ورمهة
وكلبي اشتاك للعشرة ورمهة
كتلتني ابكل وكت تمشي ورمهة
احجي وتلتفت امهة علية

مع تحيات الشاعر
العراقي
حيدر التميمي

هي- هجرك ياولف صاير بلا حد
مثل سيف اليكص ركبة بلا حد
وكلتلي انتظري انا ارجع بلأحد
اجه الاحد ويمته تعود اليه


هو- احد سجين صبري وجن ولاحد
التفتت وماشفت ربعي ولاحد
وجم سبت اليمر بيه والاحد
اجي بس شوفتج تصعب عليه


هي- لتهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
كمت ماتسأل ولاتمر بيه


هو- غيرج ماحلى بعيني ولاطاب
ولادونج دخل قلبي ولاطاب
ياجرحي وياج لاهود ولاطاب
دم ينزف ولاتدرين بيه


هي- محبتك تجري وي روحي ويدماي
وعليك انشلت عظامي ويدماي
انجويت بيد انا ناري وبيد ماي
ولكن من يطابكهن سويه


هو- عليج الروح راحت من يردها
وكيحة همومي صارت من يردها
خطية الروح ملت من يردها
لأن بس الصبر يسأل عليه.
********************

الشــــــــــــــــــــــاعر العراقي
حيدر التميمي
haideraltimimi_87@hotmail.com

اريد ارحل عن بلادي ولاعود
سيگارة مابقت عندي ولاعود
ولا اتذكر ناي بلادي ولا عود
من كثر المصايب اللي نزلت علية








انت الشمس وانت البدر منهل
وشفافك طعم العســل منهل
گلبي بس إلك ياتــرف منهل
الورد من تمر ياخـذ لك تحيه






والاكوان
عليااظلمت الدنياوالاكوان
بكثر نوحي على اعزازي والاكوان
يشيال النعش ريض ولك وين
دخلي نوادعه كبل المنيه






يدنيه انتي بعذابي ليش تسعين
بعزم الله شمعندج ضيج تسعين
ربعي بيوم ظرفي دبس تسعين
يوم النشف ما منهم بجية






دواي الشح علي واخوي الصيدلية
نظرلي بعين حاقد صد لية
طرت كال العدوي صيدلية
تعذر بس اخوي الحطها بية








انة اول احبك واخر اني
وسبب العطلني اجيلك واخراني
الگلب من ردت اشبگك وخراني
ركض مني يشبكك كبل ادية








خلص گلبي من الهجران والصد
او ونيني يفلش الجدران والصد
كل الناس تهوه الگنص والصيد
لكن بالشبچ تختلف هيه








حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه






مشيت وشوككم عتني وردني
مسحت الدمع بجفوفي وردني
اذا مكتوب من عدكم وردني
مثل ميت ترد الروح بية






اعطش گلبي اعله شوفك ماتورده
وحته اخبار منك ماتورده
اذا غصني بربيعك ماتورده
بخريفك شنتظر غير المنيه






نخيت الله بحسن عطفه يشملاك
وعطر من طيب جناته يشملاك
عسى لا بالحشر ربي يشملاك
وتصير الجنه دارك دوم هيه








يبنية حسي بحبي وشعري
وگلبي شيب بهجرچ وشعري
لغيرچ ما يصح نثري وشعري
ولو كل الشعر ما يوفي اللي بية








ضوينة بسنة المهاجر سفرنة
لباب البحر كلطنه سفرنه
اذرة ودخن ما جرن سفرنه
سيل ضيوفنة بسنة الردية






تمر وعلي ساترهه بختهه
حچت ونار البگلبي بختهه
بخت من كال بدلهه بختهه
شلون الذهب والفضة سوية








انا الواضح والمبين ولاخاف
وانا لمارجفن جدامي ولاخاف
وانا المانكص وزني ولاخف
اختفيت وخفت خف وزن العلية





حميتك دافعت عن ورحماك
الطعن اهون ولالوذن ورحماك
كلت اوليك ماعوفك ورحماك
وليت وطيبيتي عمت عليه