4- (لوحة عشق)
ما اسعد ايامي لو يمك اقضيها
من تكثر آلامي قربك يداويها
وصايا اظل خادم قادم الك قادم
انشودة العشاق ليك انا اهديها
ما اسعد ايامي لو يمك اقضيها
* * * *
اسلِم و انتة تسمعني يمن ذكراك ينفعني بالدارين
هواك الشوق ولَعني احب وياك يجمعني في كل حين
هوى الهجران لوَعني احس منة تقطعني الف سكين
محال الدنيا تخدعني ولا عنك ترجعني يسر الدين
عالعهد باقي وياك ما اريد عمري بلياك انا و دليلي بهواك متمسكين
بيك القلب هايم قادم الك قادم
انشودة العشاق ليك انا اهديها
ما اسعد ايامي لو يمك اقضيها
* * * *
مشاعر من قلب صادق بمعاني محبتك ناطق عن ايمان
دليلي وياك متعانق ابد يحسين مايوافق عالهجران
دعيت الباري الخالق يخليني الك عاشق عشق وجدان
انا الركبك صرت لاحق هوايا وياك متطابق هوى الخلان
خصمك فلا هادنتة بمحبتك هاجمتة صوتة بفكر وصلتة
لكل انسان
همزة وصل لازم قادم الك قادم
انشودة العشاق ليك انا اهديها
ما اسعد ايامي لو يمك اقضيها
* * * *
قسم يحسين يومية الك تجذبني حنية يا مولاي
يمن حبك كبر بية ترنمت بمعانية سرى باعضاي
الك انوار قدسية وهج حبك صبح ضية كحل عيناي
اناشيدي الولائية جبتها بروح ثورية رغم عداي
معناك همت بمعناك و شلون يحسين انساك سلوتي اصبحت ذكراك
يا رجواي
بالحب قسم قاسم قادم الك قادم
انشودة العشاق ليك انا اهديها
ما اسعد ايامي لو يمك اقضيها
* * * *
ميثاق الوفة اكتبتة ابد يحسين ما خنتة والايتك
نشيد الشوق لحنتة هدية ليك قدمتة وحبيتك
الك جمهور عودتة عذب ذكراك سمعتة وافيتك
هدف حبك شرف نلتة جواز الطاهر حملتة بحنيتك
حبك دوايا الموصوف يا معنى كل المعروف قلبي لوصالك ملهوف
ناديتك
نهجي نهج سالم قادم الك قادم
انشودة العشاق ليك انا اهديها
ما اسعد ايامي لو يمك اقضيها
* * * *
لون عن حالي تسئلني حنيني ليك ذاهلني هذا الحال
يمن بالحب تبادلني هواك سنين شاغلني سكنت البال
يبو السجاد اقبلني مع الخدام سجلني سهرت اليال
دمع اشواقي بللني الك قبة تغازلني غيابي طال
حبيتك بلا تحديد شوقي الك دوم يزيد لجلك عشقت التغريد
و الموال
لوحة عشق راسم قادم الك قادم
انشودة العشاق ليك انا اهديها
ما اسعد ايامي لو يمك اقضيها
* * * *
03-Aug-2008
المواضيع المتشابهه للموضوع: مكتبة لطميات و مواليد و الأناشيد المكتوبة لجميع رواديد 
العرض العادي
