قصيده زاحفه

قصييييييييدة زاااااحفة



البارحة جاني من الحب مرسال ,,, من عقب ما بيني وبينه خصيمة



وانا ترى في الحب مانيب فعّال ,,, ولا بعد ولّع بقلبي هشيمه



ولا بعد غنّيت في ساعة وصال ,,, ولا بعد ذقت الفراق وجحيمه



ولا جرى دمعي على الخد همّال ,,, ولابعد جربت مرّ الهزيمة



حتى وردني تالي الليل جوال ,,, وانا على شاهي وبسكوت ديمة



الرقم بايخ لكن الصوت قتّال ,,, كنه مثل صوت المذيعة حليمة



قالت مساء الخير يا طيّب الفال ,,, قلت ارحبي ترحيبةٍ مستديمة



بالعود والصفري ودلة وفنجال ,,, واجبك يا بنت الأصول الكريمة



ردت بضحكة ثم قالت وش الحال؟ ,,, قلت اشهد إن الحال عقبك سقيمة



قالت وهي تضحك بعد مثل الأطفال ,,, وانا بعد كني بدونك يتيمة



من يوم قالتها تزلزلت زلزال ,,, من فجعتي كني مسوي جريمة



قلت ارفعي صوتك ترى مابه ارسال ,,, كذاب لكنّ المصيبة عظيمة



قالت أقول اسمع ترى هرجنا طال ,,, ممكن تصاحبني تراني وسيمة



واسمي الحقيقي أول حروفه الدال ,,, لكن يسمّوني البنات الزعيمة



صحيح أحب الفخفخة واعشق المال ,,, لكن تراني طاهرة مستقيمة



ما عندي امغازل ولا (لعب يهّال) ,,, ما عندي إلا في الشرف والحشيمة



بس الصراحة قلبي لشوفتك مال ,,, واصبحت وحدك جالسٍ في صميمه



فكّر بعقلك واترك القيل والقال ,,, واحذر تطيع اهل العقول العقيمة



وارسل علي الحين خمسمية ريال,,, أشحن بها جوال أختي غنيمة



أو طقم غالي فيه خاتم وسلسال ,,, أروح به في عرس ولاّ عزيمة



قلت الحقيقة مانيب رجل أعمال ,,, ولاني بتاجر والموارد عديمة



أنا الصراحة شبه عطّال بطّال ,,, وعلاقتي بالفقر جداً حميمة



والراتب الله يرحم الحال ما زال ,,, محدود والمصروف ربي عليمه



والدين بالآلاف والبنك شغّال ,,, ياكل فلوسي بالربا والظليمة



والسوق طايح والغلا ضيّق البال ,,, والموت والله صاير اكبر غنيمة



قالت تحمّل بس والحمل ينشال ,,, خلك شديد الباس صلب العزيمة



ياخي تصرّف جعلك اتصير نشّال ,,, أهم شي إن النوايا سليمة



لابد تفهمني على كل الأحوال ,,, ما دمت من أهل العقول الفهيمة



قلت إيه والله فاهم اللي على البال ,,, لكن ترى هذي علينا قديمة



يا بنت هذا صاير اليوم موال ,,, للي تبي تلعب على ابن اللئيمة



يا بنت ما تدرين كم فيه محتال ,,, يلعب على الحبلين وانتي غشيمة



يا بنت كم من جاهلة دمعها سال ,,, من عقب ما جات العواقب وخيمة



والبنت لا اقفى عرضها بيد الأنذال ,,, والله ما يبقى لها أي قيمة



قالت تبي ولاّ فخلّك على جال ,,, مهوب ناقصني نصايح حكيمة



عز الله إنك للأسف منت رجّال ,,, وانك قليل الذوق ما فيك شيمة



يا لعنبو اللي ما يسطّرك بنعال ,,, حتى يعلمك الغزل يا بهيمة



( تفو ) عليك وصكّت الخط في الحال ,,, مدري ( تفو ) هي مدح ولاّ شتيم$ة

صح السانك أخي الغريب ...صحيح قصيدة زاحفة أقف على هذا المقاطع


يا بنت هذا صاير اليوم موال ,,, للي تبي تلعب على ابن اللئيمة



يا بنت ما تدرين كم فيه محتال ,,, يلعب على الحبلين وانتي غشيمة



يا بنت كم من جاهلة دمعها سال ,,, من عقب ما جات العواقب وخيمة



والبنت لا اقفى عرضها بيد الأنذال ,,, والله ما يبقى لها أي قيمة


يعطيكم العافية

تحياتي وصيف الروح

ههههههههههههه

صدق قصيد مره زاحفه يسلموووووو

شكرا لكم على ردودكم والي الامام انشاءلله

يعطيك العافيه بس القصيده منقوله ولا لا؟


وفقت في طرحك خيو لاعدمان جديدك

حلوووووووووووووووووهـ القصيده

بس عاااااااد مادورت الا صووت حليمه

هههههههههههههههههه ههههههههههه

وبعدين كذاااابه بالحيل تقوول ماهي لعابه

واهي داقه عليهـ خخخ واللي عجبني اكثر

آخر القصيده هههههههههههههههههههه

يسلمووو علقصيده الحلوووووهـ ،، ننتظر جديدك

حلوووووووووووووووووهـ القصيده

بس عاااااااد مادورت الا صووت حليمه

هههههههههههههههههه ههههههههههه

وبعدين كذاااابه بالحيل تقوول ماهي لعابه

واهي داقه عليهـ خخخ واللي عجبني اكثر

آخر القصيده هههههههههههههههههههه

يسلمووو علقصيده الحلوووووهـ ،، ننتظر جديدك

انا اشكركم على ردودكم تحياتي لكم انا اخوكم الغريب

يـسـلــموووو
ربي يعطيك ألف عافيــه

ههههههههههههه

صدق قصيد مره زاحفه يسلموووووو