موتي ولا دمعة تسري

---------------------
في مكان ثاني..وبالضبط في قرية الديه...كانت غالية يالسة على الكرسي إلي حذال مكتبها..وتناظر الفراغ إلي جدامها...وكل شوي وتقفز لها صورة من صور الماضي ...لكن ليش تذكره..وليش تعور قلبها على واحد ما يستاهل كل هالحب...لانه جتلها...عصر قلبها..ومزقه..خلاه يذوب مع كلمات قاسية..قالها لها...لكن ليش عاملها بهالقسوة..وهي الي صانته..باعت عمرها له..وذرفت دموعها بس عشانه...هي الي شقت..وقامت تخيط وتبيع..تشتغل سنين..بس عشان يوصل لهالمرحلة...ويكون تاجر...تفتخر بها البلاد..يجي يومها..يجازيها بأن يتزوج وحدة غيرها..ويطلقها..ويسلبها فلذات جبدها..يهوون عليه..يسوي جذي فيها..؟!!..حطت يدينها الثنتين على راسها...وتمتمت في نفسها...بس يا غالية..بس..يكفي..حرام عليج تعذبين نفسج جذي..ولكن مستحيل تقدر توقف نفسها عن التفكير..لانها عاجزة كل العجز على السيطرة بأفكارها...وتتمنى من كل قلبها أنها تجودهم...وتقيدهم بسلاسل...وتسجنهم..لانهم تعبووها..تعبووها وايد...
وأخيراً جا صوت رقيق..عشان ينقدها..من غمرة أحزانها..هالصوت النقي..الي انتشلها من دوامة افكارها..كان صوت امها..ام ضاحي الي كانت تقول:غالية..حبيبتي ..الغدا..يلا نزلي..
قامت من على الكرسي..وسارت بخطوات..متثاقلة..تمشي وكأنها عيوز..لكن محد يقدر يلومها..لان الصدمات الي تلقتها مو سهلة..فتحت الباب ببرود..مافي اشد منه..وقابلها ويه ام ضاحي المشرق..وبس التقت عينها في عين امها..حتى انعكس على ذاك الويه الإنكسار:يمه..غالية..ليش تسوين فيني جذي..والله انج بتقتليني..ما اقدر اشوف بنيتي تذبل جدامي واسكت..يا يمه..حرام عليج..انسي الي صار..لانه خلاص..راح..
نزلت راسها..ما قدرت تجابل وجه امها..كانت تبي تهرب..لانها ما تعرف شترد عليها..ما تعرف جيفه تنسى..لانها ما تقدر....سمعتووون ما تقدر..ردت بصوت جاف..متقطع..وخفيض:ان شاء الله يمه..وسارت تنزل من على الدري..مخليه امها بروحها..واقفة جدام حجرة بنيتها...وفي ذيك اللحظة ما قدرت امها انها تمسك نفسها من البجي...فبجت..بجت بكل حرقة ومرارة..اسندت بثقلها على الجدار..وقعدت على الارض..وشعور الألم..والذنب...يقوى اكثر واكثر..و لأول مرة في حياتها..حست بأنها مجرمة....وان الي سوته في غالية...شي مستحيل ينغفر عنه..بس هي ما كانت تقصد...مسحت دموعها..وقامت تجر وراها اذيال الألم والمراره..ونزلت تحت..لتعيد التمثيل بأنها حرمة قوية...وسعيدة...لكنها في داخلها ضعيفة...وحزينة...يلست على طاولة الأكل..بدون ما تسلم على أحد..أصلاً حتى لو سلمت من يرد عليها..ابوضاحي..ابوضاحي مات...ضاحي..ضاحي معصب عليها على الي سوته في غالية..وما يكلمها..وغالية..دايماً ساكته..ما تتكلم ويا أحد....من لها عجل..توها بتاكل..الا بغالية تقوم من مكانها ...ووراها ضاحي..آلامها الي صار..بس حاولت تتصرف وكأنه ولا شي صار...كملت أكلها..وشالت الصحون..والقمشات..والشوكات من على الطاولة وودتهم للمطبخ

--------------------
اليوم هو أول يوم لها بدونه...تعودت يكون وياها دايماً لكن هذي قدرة الله..وما تقدر تعارضها...اتصلت برفيجة دربها الروح بالروح"اسما"..وعقب ثوان وصلها ردها :هلا حبي....
مريم وبصوت شايل الدنيا كلها:اهلين اسووووم...شخبارج
اسما:مو زينة...ورد عصب..
مريم:هاني..
اسما:ايه
مريم:طيب ليش ما تراضينه
اسما:لا والله.....هو الي خطا مب اني...خله هو الي يراضيني....يحلم اراضيه..
مريم:انزين شالسالفة..
اسما:يبي يخليني اجهض غصب زور
مريم:حلفي..لا تقولين انج حامل
اسما:امبلا..شفيها اذا قلت شذي..
مريم:بس..
اسما:بلا بس...جوفي اني ما بجاهضة..وكيفي..
مريم:اسوووم حبيبتي..هاني يبي مصلحتج...بعدين الياهل لاحقين عليه
اسما:اف طلبتج عون صرتي فرعون..انزين بس سكري الموضوع..
مريم:اسما...سمعي كلام هاني هالمرة بس..تراه يحبج ويخاف عليج
اسما:مليت اني مليت....مليت منكم...ما احب احد يشفق عليي..ولمتى بنتظر ...ليما امووت يا مريم..عمري الحين ثلاثين سنة...وما عندي ولا ولد..وكله عشان "بموت اذا يبت ياهل"لكن عرفوا شي..الله اذا كتب لي اعيش...بأعيش..ومو الحمل ولا الولادة تخلي حرمة قوية مثلي..تموووت..وسكرت الخط في وجه مريم..الي عورها قلبها على رفيجتها..وتضايجت.....بس شتسوي...
..
نرجع لاسما...الي من سكرت التلفون..وهي تحس بلوووعة وخنقة..رمت بنفسها على السرير....ودفنت راسها على مخدتها الحنون..الي ما قصرت ابد وياها..فكانت تحضن دموعها وهمومها وجراحها..ودايماً ما كانت تسمع شكواها...وعقب نص ساعة..غمضت عيونها..ونامت..
---------------------------
كان يالس على الرمل جنب البحر..يطالع فيه..ويلعب برملته...تمتم في نفسه..البحر كبير...وحلو...صافي ونقي...لكنه ما يقدر يسع همومي..لانها اكبر منه بوااايد..نزلت من عيونه دموع جريحة...تاهت في خدينه..وانسابت بكل رقة عليهن ..وقف..وسار للبحر..غطس رجلينه..في الماي...وعادت به الذاكرة لأيام مستحيل يقدر ينساها...كان فيها مراهق..صغير..ما يتجاوز الـ18...كان بطبعه..مزوح وايد..والحياة عنده لعبة..ما في شي فيها..يستحق انك تعور قلبك عليه..ولا شي..فيها يستحق انك تحزن....وبالنسبة له...كانت افراح في افراح..ليما تعرف على أسما..الي كانت وياه في جامعة البحرين...ومع انه ما قابلها ويه لويه..لكنه كان يناظرها من بعيد..يجوف فيها ألم رهيييب...وحزن...ومرارة..يأس..وضعف...ودموع كانت تنزل دايماً على خذينها..وجات الصدفة ان يلتقي بها في المستشفى لما كان ساير حق ياخد دوا لابوه..وفي ذيك اللحظة..تمنى عينه ان تكذبه..كانت في غرفة في أحد زوايا الممر..ومنبطحة على سرير ابيض...الاجهزة مغطيتها..ووايرات على يدينها كثيييرة..شكلها كان يقطع القلب...وخصوصاً ابتسامتها..سأل نفسه في ذاك الوقت..اي شجاعة تمتلكها هالبنية..وجيفه تبتسم رغم كل الي يصير فيها...وعقب اسبوع..جافها سايرة للجامعة...ولكن كانت على كرسي متحرك"مال المقعدين"...حس في ذاك الوقت بشفقة..قعد يناظرها فترة طويلة..وما انتبه ...انها مقابلته..صرخت البنية الي كانت تجر الكرسي:لو سمحت ممكن تبعد شوي..نبي نطوف..
هاني :آسف ما انتبهت اختي..وبعد عنها..
وتوها البنية بتجر الكرسي..قالت لها اسما..وقفي يا مريم..وكلمت هاني قايلة:شفيك تطالعني جذي...ما قط جفت وحدة مريضة...لو سمحت..ما احب تناظرني بهالنظرات...اكره شي عندي الشفقة

..قعد يناظرها فترة طويلة..وما انتبه ...انها مقابلته..صرخت البنية الي كانت تجر الكرسي:لو سمحت ممكن تبعد شوي..نبي نطوف..
هاني :آسف ما انتبهت اختي..وبعد عنها..
وتوها البنية بتجر الكرسي..قالت لها اسما..وقفي يا مريم..وكلمت هاني قايلة:شفيك تطالعني جذي...ما قط جفت وحدة مريضة...لو سمحت..ما احب تناظرني بهالنظرات...اكره شي عندي الشفقة..
وسارت للمحاضرة..دخلت أنا..ولكن ما قدرت ارفع ويهي..وللحظات كرهت نفسي..وما قدرت اركز على الي يقوله المحاضر..مرت ساعات..بعدها خلصت المحاضرات الي عليّ...وقمت سرت للبيت....وعقب ذاك اليوم غابت اسمااا عن الجامعة فوق الشهر..لكنها ما غابت عن خيالي...كنت دوووم اجوفها...في حلمي..في روحتي للجامعة...لما آكل..وحتى وأنا أنوووم..ما ادري هل كنت احبها..أو أشفق عليها...بس كنت أبي أغوص في اعماقها..افتش بين مخليتها..عن حقيقتها..عن ألمها عن ..معانتها..كنت ابي اخفف عنها...امسح دموعها...وتحقق هالشي....لما تزوجتها..كنت في ذاك الوقت فرحان لاني رسمت البسمة على شفايفها...وانها صارت لي ..لي وحدي..وفي ذاك الوقت بس...عرفت اني احبها..مو بس احبها ..الا اموت فيها...ولكن لما ارتشفت كوب معاناتها...مليت..حسيت بان الدنيا الي كانت كلها نور بالنسبة لي ...صارت ظلامة..وان اسما...شخص اتمنى افتك منه..مليت روحة المستشفيات....مليت منها..من تشاؤمها..من صراخها...من تأواهتها..فكرت أطلقها..بس ما ابي اجرحها...
هزيت راسي بعنف...شقاعد اقول...هذي مرتي...اوووف...اقوم اروح المسجد ابرك لي...

طق..طق..طق..
ضاحي:غالية...ممكن ادخل..؟!
غالية:......
ضاحي:غـااااااااليـــة...!
غالية بضيج: نعم...شتبي يا ضاحي..
ضاحي:قلت يمكن ملانة..اوديج الموول نغير جو شوي..
غالية:مالي خلق..
ضاحي:انزين فتحي الباب
غالية:ما ابي..
ضاحي:غلاتي بليييييز...فتحيه..
غالية:شتبي..
ضاحي:ابي اشوف ويه اختي
غالية:اووهووو ضاحي بلا تميصخ..
ضاحي:افاا انا ماصخ..
غالية:زين خلصنا..في شي ثاني
ضاحي:ماني رايح الا اذا طلعتي وياي..
غالية:اوووف عنيد ماني بطالعة زين..!
ضاحي:هذا جزاتي افكر فيج
غالية:لو كنت تفكر فيني ما خليت هذا يصير فيني
ضاحي:لا حول ولا قوة الا بالله يعني الحين الخطأ عليّ
غالية:لا عليي تصدق..
ضاحي:فتحي الباب لا الحين اكسره
غالية:انزين..بجي..بجي...
ضاحي:ما ينفع وياج الا العيون الحمرا
غالية وهي تقلد صوته:ما ينفع وياج الا العين الحمرا..تدري..غيرت رااايي مابروح
ضاحي:اوه شلي قايل..ما يسوي علينا..انزين اسف...يلا طلعي
غالية:عيدها مرة ثانية
ضاحي اسف
غالية:اعلى
ضاحي:يعني لازم تذلينا..
غالية:أيوة..ما سمعت
ضاحي:آآآآآآآآآآآآآآآآآآآآآآآآآآآآآآآآآآسف
غالية:عفية عليك شاطر..ومرة ثانية تعلم الأدب..بقوم اتسبح الحين..وبعدين بلبس ثياب حلوة.وجلبابي وشيلتي..وبتعطر...تالي بجيك..
ضاحي:باااال..يعني مطولة
غالية:يس
ضاحي:انزين..بجيج عقب ساعة..
غالية:هممم ..اوكي
وراح عنها..
-----------------------------
قامت اسما من نومهاا وهي تلهف..وتحاول تمسك انفاسها..لان العرق قام يبللها...بدت ترتجف...شهالحلم..يخوووف...!

الساعة 10في الليل..رجعت البيت..وانا تعبان ومنهد حيلي...ركبت عتبات الدرج..وفتحت باب شقتي..رحت للمطبخ اشوف شسوت لي اسما ..تفاجئت ما في شي..!..
ناظرت المكان..ليما وقع نظري..على قطرات دم...في المطبخ..ركضت لحجرتها بسرعة..وصرخت اسما..!
جفتها على السرير منبطحة...وشكلها يعور القلب...قمت سرت لها..وحبيتها على جبهتها..
فتحت عيونها ببطيء:هـ ـ ـانـ ـي
هاني:هلا حبي
طلبت لك أكل من المطعم...ما قدرت اسوي لك..تلاقيه في الثلاجة
ضاحي:فديتج غناتي...ومسح على شعرها..ارتاحي بس..
ردت عليه:آه يا هاني..أبي أرتاح..لكني ما أقدر....وغمضت عيونها
حباها هاني وقال:أوديج المستشفى..
اسما:لا ما له داعي..
هاني:متأكدة
أسما:إيه..
وسار عنها..

كانت ماسكة كتاب"سامية"للكاتبة عالية محمد صادق وقاعدة تقراااه..
قاطعها صوت ولدها محمد:ماما..كله نلووه دكان..ابكى اسكليم..وكاكو بأد.."ماما..خله نروح البرادة...ابغى اسكريم..وكاكو بعد"
مريم:صبر شوي حموود..خلني اكمل قراااية..
محمد وهي يصيح:ابي اسكليم..وكاكو..الهيين..
مريم والدموع في عيونها:مات الجد..ورمت الرواية على الكنبة..
إلا بصوت التلفون يرن...
اسما:هلاا مريووم..
مريم :بخير
اسما:شفيج تبجين
مريم:مات الجد...
اسما:أي جد..
مريم:جد سامية..
اسما:منو سامية..
مريم:هذي الي غصبووها تتزوج سامي
اسما:منو سامي بعد..!
مريم:هذا ولد عمها
اسما:اهاا..
مريم:قلبي يعورني...حق ليش قتلته
اسما:منو قتل من..
مريم:الكاتبة..قتلت الجد..
اسما:ههههههههههههههه..كل هذا عشان رواية..
مريم:ايه...انزين ليش تضحكين علي
اسما:والله انج تضحكين..
مريم:لا والله..
اسما:أي والله..
مريم:انزين شحقه متصلة..
اسماا:بس جذي ملانة..اضيع وقت
مريم:تبين اعطيج رواية..تقرينها وقت ما انتي فاضية
اسما:لا تكفين....ما ابي..
مريم:على راحتج..الا صح..باجر غالية بتمرني...بتجين بيتنا..
اسما:ايه..فاضية...ومرة وحدة أبي أكلمج في شي..
مريم:اوكي عجل اشوفج باجر
اسما:ايه..يلاا باااي..
مريم:بااايات
ناظرت محمد..وجفته قاعد يبجي...صج كسر خاطري..قلت له..تعال حبيبي..الحين بنروح البرادة..ورحت لبست جلبابي وشيلتي..وجودته من ايده....
وطلعنا..

نهاية الفصل الثاني
"الفصل الثالث"
البيت صاير هادي...وسكونه الغريب هذا ما يعجبني...يخليني اشعر بأني وحيدة بلا أحد يساندني فهالحياة...ويخلي الخوف يتسلل لجسدي الهزيل..اعرفكم بـنفسي..أني اسما..عمري ثلاثين سنة..متزوجة من 15 سنة...ما عندي عيال والسبب معروف وياي سرطان الدم..والصرع...والسكر...والربو..و..وياي كل الأمراض زين..ولكن اياني وياكم تطالعوني نظرات شفقة...تراا اذبحكم..
تصدقون..بيني وبينكم..بودي لو أصارخ بكل قوتي..واقول أني انسانة مثل باقي الناس..اني انسانة سليمة "تضحك"لكن هذا مستحيل..لاني غير..تفهمون يعني غير..اني حياتي مدتها محدودة..وبأي لحظة بمووت..ووجودي بالحياة ماله معنى"آه لو بس أموت وأفتك"..لأول مرة في حياتي..أحس بروحي عاجزة..إيه ليش أكابر..آسفة ما أقدر أتحمل "تبجي"الحياة صعبة صح..ياريت لو تعرفون بس شقد انا أعاني..طول النهار قاعدة بروحي..محد وياي في البيت..ما اقدر أطلع برة بدون هاني...أخاف تجيني نوبة..وأتفشل جدام الكل..ما أحب ضعفي يبين جدام الناس..احب اكون قوية..صج واقع مرير..اني ضعيفة..مو بس ضعيفة أني وهنة..وفي الليل يرجع هاني من الشغل بس اساعات يطلع لوحده ..وما يكون وياية..الوحدة شعور مرير....لكن شسوي..هذي حياتي لازم أتأقلم وياها..لازم اعيش كل لحظة ألم فيها..وأطوي صفحاتها المريرة وأنتظر بأمل ضعيف السعادة..الي ما أظنها بتنولد في حياتنا أني وهاني..إيه هاني..فديته يعاني وايد بسببي....ريتني أموت..عشان أخليه يرتاح..لكن الغلط عليّ لما وافقت اتزوجه..لا تلوموني..كنت اتمنى مثل أي انثى ان اكون عايلة..كنت اتمنى ان يجي فارس الأحلام ويوم جا صرت انانية لاني فكرت بروحي بس..بسعادتي..دون سعادته....اذكر يوم جا كيف كان فرحان مورد..لكن ألحين ذبل..
أووووف ليش أعور قلبي..خلني أنام..أبرك لي..قولوا لي بس...في شي فالحة فيه غير النووووووووووووووووووووووووم

قاعدة يم المرايا.. تناطر انعكاس صورتها عليها...ويه مشوه..مافيه أي ذرة من الجمال..وخشم متعوج..عيونات ثنتين..وحدة كبيرة..وثانية صغيرة..خذين ذابلين وواحد منهم فيه تشوه... وشعر قصييير حيل نفس الأولاد نزلت من عيونها دموووع كثيرة..انسابت على خذينها وطاحت منهم لتحت..حطت راسها على المكتب..وخبته بين يدينها..وبجت بكل حرقة......وكل قطرة من دموعها تروي ذكرى..من ذكريات الماضي...
نرجع لقبل 11 سنوات...طبعاً غالية الحين عمرها 29 ..
لكن في ذاك الوقت..كان عمرها 18 سنة بس..في الجامعة..وفي ريعان شبابها...حلوة..نفس القمر..وأحلى منه بعد....الكل يتمنى يحصل نظرة منها ..ما اعني بكلامي انها مغرورة..لا أبداً...غالية كانت طيبة..وأخلاقها..يفخر بها الواحد..انسانة رائعة..وناجحة ....وتملأ بمحبتها الكل..قلبها كبير..ونضيف...واحلى ما فيها براءة الطفوولة..وهذا الشي..الي خلاه يميل ليها..اتكلم عن عدنان..لا يروح فكركم بعيد..مب زوجها...المهم..هو حباااها..وهي ما حبته..بس أعجبت به..و بشخصيته....وهي أبد ما قابلته انسانة على أصول..مو متخلفة عشان تنزل روحها وتكلم اولاد..بس الله هداكم صارت وياه في أحد المحاظرات......وصار إلي صار...ومرت الأيام..الأسابيع..والشهور بسرعة البرق...وخلصت غالية الجامعة...فتقدم عدنان..وواحد ثاني اسمه سعيد لخطبتها وفي نفس اليوم..وكان على غالية تختار واحد من الأثنين لان امها اجبرتها على هالشي ووقع اختيارها على سعيد..فعصب عدنان...وغطت على عينه غشاااشة سودة وما قام يفكر الا بالإنتقام.....اما غالية فتزوجت من سعيد وحبته...وكان سعيد فقير..تزوج غالية عشان هي غنية..لكن غالية ببرائتها و طيبتها ما كانت تدري...عن سوالفه..فما قصرت وياه...قامت تعاونه فالشغل..تخيط وتبيع ....تسهر الليالي عشانه...وما كنت تشكي لاهلها انها تحتاج لفلوس او شي..وعقب جم سنة جابت من سعيد تووم...هالة..وهدير.....وعاشوا حياتهم..بهنا..رغم صعوبتها..وجا الفرج وصار سعيد تاجر..او بالأحرى تلقى عرض انه يتزوج بنت احد التجار مقابل انه يحصل هالعمل..وهو بدون تفكير...وافق..وما قدرت غاليه حينها تستحمل الصدمة..فطالبت بالطلااااااق...من دون ما تدري انها بتخسر فلذات جبدها بسب هالشي..وعقب سنتين..كانت غالية طالعة من الموول..وقابلت عدنان....
عدنان:وين رايحة نطري
غالية:مسامحة اخوي تكلمني
عدنان:لا اكلم الطوفة ايه اكيد اكلمج..
غالية:ما اعتقد اني اعرفك اسمح لي مع السلامة
عدنان:انتي ما تعرفيني لكن انا اعرفج
غالية وبدون نفس:صج..بقوم
عدنان وبعصبية:قلت لج وقفي
غالية:منو تظن نفسك عشان ترفع صوتك علي..احترم نفسك
عدنان:والله انا محترم نفسي انتي الي احترمي نفسج..
غالية:اووف الغلط على لاني عطيتك فيس..اطلع احسن لي..
وسارت تمشي للبيت وهي ميتة من الخوف..ليش يلاحقني هذا..